वरण चकोल्या (चिखल्या )
.तयार कणकेची थोडी जाडसर पोळी लाटून घ्यावी व शंकरपाळे कापून घेतो तसे कापून घ्यावे ,ते ह्याप्रमाणे दिसेल.
साहित्य-
१)गव्हाची कणिक -३ वाट्या
२)बारीक चिरलेला गूळ-पाऊन वाटी
३)भाजलेली तीळ-१ टी स्पून
४)तळण्यासाठी तेल
कृती-
१)प्रथम एका भांड्यात बारीक चिरलेला गूळ व ३ वाट्या कणिक भिजवायला लागेल इतके पाणी एकत्र करावे व हे पाणी गॅसवर ठेवून एक उकळी काढावी म्हणजे गूळ पूर्णपणे पाण्यात विरघळला असेल ,आता हे पाणी गाळून घ्यावे म्हणजे गुळात काही कचरा वैगरे असेल तर तो गाळला जाईल .हे पाणी जरा कोमट होऊ द्यावे मग कणिक मळायला घ्यावी .
२)आता एका बाउलमध्ये गव्हाची कणिक घ्यावी त्यात तीळ घालावी व वरील गुळाच्या पाण्याने ही कणिक घट्टसर भिजून घ्यावी व थोडा वेळ झाकून ठेवावी .
३)वरील तयार पीठाचे छोटे गोळे घेऊन पुऱ्या लाटून घ्याव्यात व गरम तेलात सोनेरी रंगावर तळून घ्याव्यात .ह्या पुऱ्या लोणचं किंवा लसूण-शेंगदाणा चटणीसोबत छान लागतात .गोड पुर्या आणि बटाटा भाजी हे कोम्बिनेशनही मस्त लागते
साहित्य-
१)रवा -१ वाटी
२)उडीद डाळीचे पीठ-१/४ वाटी
३)सोडा-१/२ टी स्पून
४)सायट्रिक एसिड क्रिस्टल्स-१ टी स्पून
५)एनो-१/२ टी स्पून
६)आलं-लसूण-मिरची पेस्ट-१ टी स्पून
७)बारीक चिरलेली कोथींबीर
८)चवीनुसार मीठ
९)गरजेनुसार तेल
१०)ताक गरजेनुसार
कृती-
१)प्रथम मिक्सरच्या एका भांड्यात रवा,उडदाचे पीठ,एनो.सोडा,सायट्रिक असिड क्रिस्टल व चवीनुसार मीठ घालून फिरवून घ्यावे म्हणजे मिश्रण चांगले एकजीव होईल .
२) आप्पेपात्र गरम करत ठेवावे ते गरम होईस्तोवर वरील तयार मिश्रणात ताक किंवा पाणी घालून मिश्रण इडलीच्या पीठाइतपत घट्टसर भिजवावे ,आता यांत आलं-लसूण-मिरची पेस्ट तसेच बारीक चिरलेली कोथींबीर घालून मिश्रण एकजीव करावे .
३)आता आप्पेपात्राला थोडे तेल लावून त्यात वरील तयार मिश्रण ओतावे व झाकण लावून ठेवावे एक बाजू चांगली खरपूस झाली कि आप्पेपात्रासोबत मिळणाऱ्या काट्याने दुसरी बाजू उलटून घ्यावी व थोडे तेल सोडून पुन्हा झाकण ठेवून दुसरी बाजूही खरपूस करून घ्यावी .
४)तयार आप्पे टोमॅटो सॉस किंवा नारळाच्या चटणीसोबत सर्व्ह करावे .
साहित्य-
१)पातळ पोहे -३ मूठभर
२)१ मोठा कांदा -बारीक चिरून
३)खवलेला ओला नारळ-३ ते ४ टेबल स्पून
४)लिंबाचा रस -दीड टेबल स्पून
५)शेंगदाणे-१ टेबल स्पून
६)२ हिरव्या मिरच्या -बारीक चिरून
७)साखर-१ टी स्पून
८)जिरे-मोहोरी -१ टी स्पून
९)कढीपत्ता -४ ते ५ पाने
१०)चवीनुसार मीठ
११)गरजेनुसार तेल
१२)चिमुटभर हळद
कृती –
१)प्रथम एका बाउलमध्ये पोहे घ्यावेत त्यात बारीक चिरलेला कांदा व खवलेला ओला नारळ घालून हातानेच मिक्स करावे .आता यांत लिंबाचा रस ,साखर व चवीनुसार मीठ घालून पुन्हा हातानेच एकजीव करावे .
२)एका छोट्या कढल्यात किंवा वघारीयात तेल गरम करत ठेवावे ,तेल गरम झाले कि त्यात शेंगदाणे तळून घ्यावेत व तळलेले शेंगदाणे ह्या पोह्यात टाकावे .आता त्याच गरम तेलात जिरे-मोहोरी घालून तडतडू द्यावी त्यानंतर कढीपत्ता ,हिरव्या मिरच्या ,हळद घालून थोडा वेळ राहू द्यावे व ही तयार फोडणी पोह्यात घालावी व पुन्हा हातानेच एकजीव करावे .
३)आता ह्या पोह्याच्या बाउलवर एक घट्ट झाकण ठेवावे म्हणजेच ते दडपून ठेवावे व ५ ते १० मिनिटात वरून बारीक चिरलेली कोथींबीर घालून दडपे पोहे सर्व्ह करावे .
टीप-
आवडत असल्यास यांत बारीक चिरलेली काकडीही घालू शकतात .
साहित्य–
१)पाऊन वाटी गव्हाची जाडसर कणिक
२)पाव वाटी तूप
३)अर्धी वाटी साखर
४)१ ते दीड वाटी दूध
५)आवडीप्रमाणे सुका मेवा
टीप-
मी यांत खारीक-खोबरे,काजू-बदाम हे सर्व जिन्नस मिक्सरमधून जाडसर फिरवून घेऊन हा कूट शिऱ्यासाठी वापरला होता .
कृती-
१)प्रथम एका कढईत तूप गरम करत ठेवावे ,तूप गरम झाले कि त्यात कणिक घालावी व चांगले परतून घ्यावे .मिश्रण जास्त कोरडे वाटल्यास अजून थोडे तूप घालावे .कणिक चांगली लालसर परतून घ्यावी .
२)कणिक चांगली लालसर झाली कि त्यात १ ते दीड वाटी गरम दूध घालावे व लगेचच साखर घालावी व चांगले परतून घ्यावे .आता लगेचच यांत सुका मेवा घालून परतून घ्यावे .
३)शिरा खाली चिटकू शकतो म्हणून सतत परतत रहावे ,दूध घातल्यानंतर साधारण ५ मिनिटातच कणिक आळायला लागते म्हणजेच समजावे कि शिरा तयार झालेला आहे लगेच आच बंद करून गरमागरम शिरा सर्व्ह करावा .
टीप-
१)या शिऱ्यासाठी आपण साधी पोळ्यांची कणिकही वापरू शकतो पण त्यासाठी ही कणिक खूप जास्त भाजावी लागते नाहीतर शिरा एकदम चिकट येतो .
२)कणिक चांगली लालसरच भाजली गेली पाहिजे नाहीतर शिऱ्याची चव बिघडण्याची शक्यता असते .
साहित्य-
१) पाव किलो भेंडी
२)८ ते ९ लसूण पाकळ्या
३)१ टी स्पून जिरे
४)१/२ टी स्पून मोहोरी
५)३ ते ४ हिरव्या मिरच्या बारीक चिरून
६)गरजेनुसार तेल
७)चवीनुसार मीठ
८)हळद चिमुटभर
कृती –
१)प्रथम भेंडी धुवून स्वच्छः पुसून घ्यावी व पूर्णपणे कोरडी होऊ द्यावी नाहीतर भाजी चिकट होईल व कोरडी झाल्यावर गोल आकारात बारीक चिरून घ्यावी .
२)आता एका तव्यात तेल गरम करत ठेवावे ,तेल गरम झाले कि त्यात जिरे व मोहोरी चांगले तडतडू द्यावी त्यानंतर त्यात बारीक चिरलेला लसूण व हिरव्या मिरच्या घालाव्यात व चिमुटभर हळद घालावी व परतून घ्यावे .आता यांत बारीक चिरलेली भेंडी घालून चांगले परतून घ्यावे तसेच चवीनुसार मीठही घालावे व परतून घ्यावे .
३)यावर झाकण ठेवू नये ,भाजी थोडी चिकट झाली असे वाटत असेल तर त्यात थोडा लिंबू पिळावा व परतून घ्यावे .अधून मधून परतत रहावे नाहीतर भाजी खाली चिकटण्याची शक्यता असते .साधारण १० ते १२ मिनिटातच भाजी झालेली असेल ,आच बंद करून भाजी सर्व्ह करावी .
साहित्य-
१)हिरवे तूर दाणे-१ मोठी वाटी
२)आलं-१ इंच
४)हिरव्या मिरच्या -२ ते ३
५)कोथींबीर -अर्धी वाटी
६)शेंगदाणा कूट-२ टेबल स्पून
७)बेसन-२ टीस्पून
८)मीठ चवीनुसार
९)तळण्यासाठी तेल
कृती-
१)प्रथम एका मिक्सरच्या भांड्यात तूर दाणे,आलं-लसूण,हिरव्या मिरच्या व कोथींबीर घालून थोडे जाडसर दळून घेणे
२)वरील मिश्रणात शेंगदाणा कूट व बेसन घालून मिश्रण एकजीव करून घ्यावे व चवीनुसार मीठ घालावे
३)तयार मिश्रणाचे छोटे चपटे गोळे करून गरम तेलात गोल्डन ब्राऊन होईपर्यत तळावे व टोमॅटो सॉससोबत सर्व्ह करावे
टीप –
गरम तेलात आधी एक गोळा सोडून पहावा तो तेलात सुटत असेल तर अजून थोडे बेसन कालवावे व नीट एकजीव करून पुन्हा चपटे गोळे करून टाळून घ्यावे
लहान मुलांना हा प्रकार नक्की आवडेल .
साहित्य-
१)ब्रोकोली थोडे मोठे तुकडे करून
२) हिरव्या मिरच्या बारीक चिरून
३)जिरे,मोहोरी
४)लसूण -बारीक चिरून
५)तेल गरजेनुसार
६)मीठ चवीनुसार
टीप-
ह्या सालादसाठी विशेष असे प्रमाण नाही ,साहित्य आवडीप्रमाणे कमी-जास्त करू शकतात
कृती-
१)प्रथम ब्रोकोलीचे थोडे मोठे तुकडे करून घ्यावेत तुर्र्याचे दांडे फेकू नये तेही बारीक चिरून घ्यावेत व धुवून घ्यावेत
२)एका कढईत तेल गरम करत ठेवावे ,तेल गरम झाले कि त्यात जिरे व मोहोरी घालावी व चांगली तडतडू द्यावी त्यानंतर त्यात बारीक चिरलेला लसूण व हिरव्या मिरच्या घालाव्यात व परतून घ्यावे
३)आता ह्यात चिरलेले ब्रोकोली घालून नीट परतून घ्यावे चवीनुसार मीठ घालावे व झाकण ठेवावे व पुढच्या २ मिनिटांतचं आच बंद करावी( कारण आपल्याला ब्रोकोली मऊ शिजवायची नाहीये नाहीतर तिच्यातील क्रंच निघून जाईल )
४)तयार ब्रोकोली सलाड एका बाउलमध्ये सर्व्ह कराव ,आवडत असल्यास लिंबाचा रस घालावा नाहीतर असेही छानचं लागते .
साहित्य :
१)पोळ्या २ ( शिळ्या)
२)चिरलेला कांदा १ (मध्यम आकाराचा)
३) हिरवी मिरची -२(चिरलेली)
४)जिरे ,मोहरी, कढीपत्ता फोडणीसाठी
५)हळद
६)शेंगदाणे
७) कोथिंबीर
८)मीठ (चवीपुरते )
९)तेल (गरजेनुसार)
कृती:
१)पोळ्यांचा चुरा करून घ्यावा.
२)कढाईत तेल घेवून त्यात जिरे,मोहरी,कढीपत्ता टाकून फोडणी द्यावी.
३) नंतर शेंगदाणे,हिरवी मिरची ,कांदा टाकून परतून घावे.
४)हळद ,मीठ टाकून पोळ्यांचा चुरा टाकावा. सर्व जिन्नस एकजीव करून चांगले परतून घ्यावे.
५)कोथिंबीर टाकून सर्व्ह करावे.