साहित्य-
१)कांद्याची पात -१ जुडी
२)मुगाची डाळ-१/२ वाटी
३)टोमॅटो -१ छोटा बारीक चिरून
४)आलं-लसूण पेस्ट -१ टी स्पून
५)जिरे-मोहोरी-१ टी स्पून
६)हळद-१/२ टी स्पून
७)धनेपूड-१ टी स्पून
८)लाल तिखट-२ टी स्पून
९)चवीनुसार मीठ
१०)गरजेनुसार तेल
कृती-
१)प्रथम मुगाची डाळ धुवून साधारण १० ते १५ मिनिट भिजत राहू द्यावी .कांद्याची पात बारीक चिरून घ्यावी .
२)एका कढईत तेल गरम करत ठेवावे ,तेल गरम झाले कि त्यात जिरे-मोहोरी घालून तडतडू द्यावी .आता यांत आलं-लसूण पेस्ट तसेच टोमॅटो घालावा व नीट परतून घ्यावे .
३)यात हळद,धनेपूड,लाल तिखट घालून परतून घ्यावे व यांत भिजवलेली मुगाची डाळ घालावी व परतून घ्यावे .आता यात १ वाटी पाणी घालून झाकण ठेवून एक वाफ काढावी (मुगाची डाळ साधारण अर्धी शिजलेली असेल तेव्हा)व यांत बारइक चिरलेली कांद्याची पात घालावी व चवीनुसार मीठ घालावे व गरज असल्यास थोडे पाणी घालावे व झाकण ठेवावे .
४)मुगाची डाळ पूर्णपणे शिजलेली असेल तेव्हा आच बंद करावी व गरमागरम भाजी पोळीसोबत सर्व्ह करावी .
Comments on: "कांद्याच्या पातीची भाजी" (2)
छान 🙂
changalaa upakaram ahe! keep it up !! alambee baddal mahitee milel ka>