बटाटा वडा (आलू वडा)

साहित्य : १) मध्यम आकाराचे ५-६ बटाटे
२) मध्यम आकाराचे २ कांदे
३)मिरची ४-५
४) लसुण पाकळ्या  ३-४
५)कोथिंबीर गरजेनुसार
६) जिरे, मोहरी
७) बेसन पीठ १ वाटी
८) लाल मिरची पावडर १ टे. स्पू.
९) हळद,धणेपूड ,गोडा मसाला  चिमुटभर
१०)मीठ गरजेनुसार.
११)तेल (फोडणीसाठी व तळण्यासाठी)

कृती :
१) बटाटे कुकरमध्ये मऊसर शिजवून घ्यावे.साल काढून masherane बारीक कुस्कुरून घ्यावे .  (बटाटे जितके छान कुस्काराल तितके बटाटे वडे छान होतील.)
२)मिरची, कांदा,लसुण बारीक चिरून घ्यावा.
३)कढईत तेल टाकून जिरे ,मोहरी , लसुणची फोडणी द्यावी . नंतर त्यात चिरलेली मिरची, कांदा टाकावा.
४)कांदा थोडा लालसर झाल्यावर हळद, धणेपूड व गोडा मसाला टाकावा.
५)नंतर कुस्करलेले बटाटे टाकावे. सर्व जिन्नस एकजीव करावे .२ minute शिजू द्यावे.नंतर कोथिंबीर टाकावी.
६)एका भांड्यात बेसन पीठ घ्यावे. त्यात लाल मिरची पावडर, हळद,मीठ टाकावे. पाणी घालून मिश्रण पातळ करून  घ्यावे.
७)कढईत तळण्यासाठी तेल घ्यावे.बटाटा भाजीचे छोटे छोटे चपटे गोळे बनवून घ्यावे. ते बेसन पिठाच्या मिश्रणात बुडवून तेलात लालसर रंगात तळुन घ्यावे.

८) Tomato sauce बरोबर पावासोबत खावे.

टीप : पातळ बेसन असल्यामुळे बारीक तुकडे तेलात वेगळे होतात, त्या तळलेल्या तुकड्यात मिरची पावडर टाकून वड्याबरोबर सर्व्ह करावे.

About these ads